नरपानी, अर्घाखाँची । अर्घाखाँची जिल्ला सन्धिखर्क नगरपालिका वार्ड ६ को रातामाटा (साविक नरपानी ७)मा स्कार्पियो जीप दुर्घटना भएको छ । दुर्घटना तीन जनाको घटनास्थलमै मृत्यु भएको छ ।  ५ जना घाइते भएका छन् ।  मृत्यु हुनेमा २ पुरूष र १ महिला रहेका छन् ।
दशै मनाउन कपिलवस्तुकाे कृष्णनगरबाट ठाडा हुँदै सन्धिखर्क आउँदै गरेको लंका यातायात प्रालिको लु.१ ज. ४३२९ नम्बरको स्कार्पियो जीप नरपानी र घुम्ती बिचमा पर्ने रातामाटा स्थित साङ्खोलामा  दिउसो १२ बजे दुर्घटना भएको हो ।   घाईतेकाे उद्वारपछि जिल्ला अस्पतला अर्घाखाँचीमा उपचार भईरहेकाे छ ।
जीपमा ८ जना सवार थिए ।  मृत्‍यु हुनेहरुको पहिचान खुल्न सकेको छैन् । दुर्घटनामा परी जीपका चालक कपिलवस्तु बुद्धभूमिका वीरेन्द्र श्रेष्ठ घाइते भएका छन्।  जीप अन्दाजी ५ सय मिटर तल खसेको छ । जीप पूर्ण रुपमा क्षति भएको छ ।   दुर्घटनाको कारण खुल्न सकेको छैन् ।