१३ फागुन, काठमाडौं । भारत भ्रमणमा रहेको अष्ट्रेलियाले पहिलो टी-२० क्रिकेट खेलमा घरेलु टोलीमाथि रोमाञ्चक जित हात पारेको छ ।

आइतबार राति सम्पन्न भएको खेलमा अष्ट्रेलियाले भारतलाई तीन विकेटले पराजित गरेको हो । १२७ रनको सामान्य चुनौती पछ्याउँदै ब्याटिङ गरेको अष्ट्रेलियाले निर्धारित २० ओभरमा सात विकेटको क्षतिमा लक्ष्य भेटायो ।

अष्ट्रेलियाका लागि ग्लेन म्याक्श्वेल र डीअर्ची शर्टले उत्कृष्ट प्रदर्शन गर्दै आफ्नो टिमलाई जिताए । म्याक्श्वेलले ४३ बलमा ६ चौका र दुई छक्काको मद्दतमा ५६ रन बनाए । त्यस्तै, डीअर्चीले ३७ रन बनाए ।

भारतका लागि जसपि्रत बुमराहले तीन विकेट लिए ।

यसअघि टस हारेर पहिले ब्याटिङ गरेको भारतले निर्धारित २० ओभरमा सात विकेटको क्षतिमा १२६ रन मात्रै बनाउन सक्यो । भारतका लागि लोकेश राहुलले ५०, महेन्द्रसिंह धोनीले अविजित २९ र कप्तान विराट कोहलीले २४ रन बनाए ।

दुई खेलको टी-२० क्रिकेट सिरिजमा अष्ट्रेलियाले १-० को अग्रता बनाएको छ ।